გიორგი შერმადინმა "ტენერიფეს" შემადგენლობაში მორიგი შედეგიანი მატჩი ჩაატარა

ქართველმა კალათბურთელმა გიორგი შერმადინმა ამჯერად თავი ჩემპიონთა ლიგაზე გამოიჩინა. „ფიბას" ჩემპიონთა ლიგის პირველ ტურში „ტენერიფემ" რუსულ „ნიჟნი ნოვგოროდს" უმასპინძლა და დამაჯერებელი ანგარიშით 81:67 დაამარცხა. ქართველმა ცენტრმა 24 ქულა, 9 მოხსნა, 3 შედეგიანი გადაცემა, ერთი ჩაჭრა და ერთი დაფარება მიითვალა. 

მომდევნო მატჩს ჩემპიონთა ლიგაზე „ტენერიფე" 22 ოქტომბერს მონტენეგროში „მორნართან" ჩაატარებს.